РЕХАУ жали за загубата на основачот на компанијата Хелмут Вагнер

"Сочувство за смртта на нашиот татко доаѓа од многу региони во светот. Ние, како семејство, сме трогнати од ова", вели Јобст Вагнер, претседател на Надзорниот одбор. Тоа покажува колку e  големо наследството што Хелмут Вагнер го остави зад себе „како еден од пионерите на модерната индустрија, како храбар творец и непоколеблив визионер“, вели Вагнер. "Ќе го почестиме споменот на Хелмут Вагнер со одлучно продолжување на неговата импресивна работа. Неговиот претприемачки дух ќе продолжи да нè води во иднина", вели претседателот на Надзорниот одбор.

Хелмут Вагнер го обликуваше светот на пластиката од 1948 година и на тој начин даде важни стимуланси за целата индустрија. Основањето на компанијата во градот Рехау, Горна Франконија, Германија, го означува почетокот на создавање на производи од полимерни материјали, а со тоа и успешната приказна на семејната компанија, која сеуште е силно окарактеризирана од пионерскиот дух на основачот на компанијата.

По пет децении успешен развој на компанијата, Хелмут Вагнер, управувањето со компанијата го предава на неговите синови во 2000 година: Јобст Вагнер станува претседател на Надзорниот одбор, а д-р Веит Вагнер заменик-претседател. Третата генерација исто така е веќе активна во обликувањето на семејниот бизнис. Во 2015 година, градскиот совет на градот Рехау му оддаде посебна почит на основачот на РЕХАУ: Хелмут Вагнер беше назначен за прв почесен граѓанин, од крајот на Втората светска војна.

Денес, РЕХАУ е меѓународна компанија со 20.000 вработени на повеќе од 170 локации ширум светот. „Ова особено го должиме на визијата и храброста на Хелмут Вагнер“, вели Вилијам Кристенсен, извршен директор на групацијата РЕХАУ. „Во длабока жалост и искрена благодарност за достигнувањата на основачот на компанијата, семејството РЕХАУ е особено обединето, во овие денови “, Рече Кристенсен.